Ноокат районундагы жабыркаган үй-бүлөлөргө Өзбекстандан 95 тонна гуманитардык жардам келди. Бул тууралуу Президенттин Ош облусундагы ыйгарым укуктуу өкүлчүлүгүнүн басма сөз кызматы билдирди.
Маалыматка караганда, облус жетекчиси Элчибек Жантаевдин атынан орун басары Илияз Ташбаев ыраазычылык билдирип, эки элдин достугуна токтолду.
«Гуманитардык жардамды тосуп алууга КР Өзгөчө кырдаалдар министринин орун басары А.Мазарипов, Президенттин Ош облусундагы ыйгарым укуктуу өкүлүнүн орун басары И.Ташбаев катышты»,- деп айтылат маалыматта.
Селден жабыркаган Ноокаттыктарга келген гуманитардык жардамдын курамы азык-түлүктөрдөн турат.