Ош облустук капиталдык курулуш башкармалыгынын башчысы Жылдызбек уулу Шайырбек бул мектептин курулушу эмне себептен бузулганын төмөнкүчө түшүндүрдү.
«Кыштарды кынап курууда гидроизоляция болгон эмес. Лабораториянын жыйынтыгын алганда кыштарды кыноо иштери бир аз долбоорго дал келген эмес. Андыктан курулуштун бир блогу бузулду. Ал жактагы кулуш токтотулган. Подрятчикке эскертүү берилди. Өз эсебинен калыбына келтирип, оңдойт. Калган бөлүктөрүндөгү курулуштар долбоорго ылайыктап жумуш жүргүзүлгөн», — деди Жылдызбек уулу Шайырбек.
Бул мектептин курулушу 2022-жылы башталган. Жаңы билим уясы 275 орунга ылайыкташтырылган. Сметалык баасы 151 миллион 939 миң сомду түзгөн. Тендердик баасы жалпы чыгымдары менен 117 миллион 554 миң 637 сом. Курулуш республикалык бюддеттен каржылынанууда.
Төрт-Көл айыл аймагынын башчысы Алмазбек Жолдошов Жылалды айылынын тургундары жаңы мектепке муктаж экенин билдирди. Окуучулар 1960-жылдары курулуп, эскилиги жеткен меткепте билим алып жаканын кошумчалады.
Өзгөн районунда калкынын саны көптүгү бобнча Төрт-Көл айыл аймагы 2-орунда турат. Калтын саны 27 мин 250гө жеткен. 5 миң 500гө жакын кожолук бар.