Алай районунун Мурдаш айылындагагы Мурдаш суусуна «Лада 212140» үлгүсүндөгү унаанын айдоочусу рулга ээ боло албай түшүп кеткен. Бул тууралуу ӨКМдин басма сөз кызматы билдирди.
Маалыматка караганда, унаада 1 жаш бала менен унаанын айдап бара жаткан 1 эркек киши болгон.
«Куткаруучулар айдоочуну куткарып чыгышып, жаш баланы дагы да издөө иштери жүрүүдө»,- деп айтылат маалыматта.
Издөө иштерине ӨКМден 16 куткаруучу, ИИМден 42 кызматкер, жергиликтүү тургундардан 137 адам, жалпы 199 адам тартылды.Бүгүн дагы издөө улантылууда. Кошумча маалымат берилет.