30-июнь күнү №5 Ноокат бир мандаттуу шайлоо окуругу боюнча Жогорку Кеңешинин депутатын мөөнөтүнөн мурда шайлоо болуп өткөн. Шайлоого 9 кандидат катышып, алардын арасынан Бакытбек Марипов 11 миңден ашуун добуш менен алдыга чыккан.
Шайлоонун жүрүшүнө нааразы болгон 5 талапкер Борбордук шайлоо комиссиясына арыз менен кайрылышкан. Анын негизинде кечээ 4-июль күнү Аймактык шайлоо комиссиясы кандидаттар жана алардын тарапташтары менен биргеликте өздөрү тандаган 5 участканын АСУ аппараттарындагы добуш берүүлөр кайра эсептелген.
«Жыйынтыктан эч кандай айырма табылган эмес. АСУ жарактуу деп эсептеген 6 бюллетенди кандидаттар жараксыз деп эсептеп жатышат. Бирок мыйзамда так көрсөтүлгөн, аппарат жарактуу деп эсептесе демек туура», -деп айтылат маалыматта.