![Иранда жаңы президент шайланды. Ал ким? Иранда жаңы президент шайланды. Ал ким?](https://oj.kg/wp-content/uploads/2024/07/2024-06-28t075452z_645568051_rc27k8a6n8sn_rtrmadp_3_iran-election.jpg)
Иранда президенттик шайлоонун 2-туру жыйынтыкталды. Жыйынтыгында реформатор деп эсептелген Масуд Пезешкиан алдыга чыкканын аталган өлкөнүн Ички иштер министрлиги билдирди.
69 жаштагы Пезешкиан 2000-жылдары Ирандын Саламаттык сактоо министри да болуп иштеген. 2008-жылдан бери межлистин депутаты болчу.
Экинчи айлампага Жогорку улуттук коопсузду кеңешинин мурдагы баш катчысы, консерватор Саид Жалили менен Масуд Пезешкиан чыккан. Биринчи этабда Пезешкиан 10,4 млн, Жалили 9,4 млн добуш алган.
![Иранда жаңы президент шайланды. Ал ким?](https://oj.kg/wp-content/uploads/2024/07/2024-06-30_04-10-23_314386.jpg)
Масуд Пезешкиан жана Саид Жалили
Ирандын мыйзамы боюнча бир адам 4 жылдык мөөнөткө 2 ирет президент болуп шайлана алат. Президенттик кезексиз шайлоо өлкөнүн мурдагы президенти Ибрагим Раиси 19-майдагы авиакырсыктан улам каза болгондугуна байланыштуу өттү.