Кечээ, 7-июль күнү Министрлер кабинетинин төрагасынын орун басары – Кыргыз Республикасынын Суу чарба, айыл чарба жана кайра иштетүү өнөр жай министри Бакыт Төрөбаев, Кыргыз Республикасынын Президентинин Ош облусундагы ыйгарым укуктуу өкүлү Эльчибек Джантаев Араван районунун Төө-Моюн айылын сугат суу менен камсыз кылуу үчүн 6 скважинаны, Керкидан айылынын Ак-Босого айылында таза суу скважинасын ишке киргизүүгө катышты, деп билдирди Президенттин Ош облусундагы өкүлчүлүгүнүн басма сөз кызматы.
Алар:
1. Ак-Шар айылы скважина №2030;
2. Жеке-Мисте айылы скважина №21434;
3. Сырт айылы скважина №1956;
4. Керкидан айылы скважина №2550;
5. Жаштык айылы скважина №1816;
6. Найман-насос (1450 м труба д.200).
«Жогорудагы скважиналар жалпы 247 га аянты сугат суу менен камсыздайт. Мындан сырткары Төө-Моюн айыл аймагынын Керкидан айылынын Ак-Босого участкасында жашаган кожолугунун саны 150, 700 жакын тургуну таза сууну каналдан алынып жүргөн. Сел болгон учурда жана кыш мезгилинде каналдан таза суу алуу көгөй жаратып келген Таза суу менен камссыз кылуу үчүн Төө-Моюн айыл өкмөтүнүн бюджетинде акча каражаты жетишсиз болгондуктан облус жетекчиси өнүктүрүү фондунан 4 млн 646 миң бөлүп берген. Жыйынтыгында таза суу скважинасы 115 метр чуңкурдан казылып, ичүүгө корутунду алынган»,- деп айтылат маалыматта.
Ошондой эле электр мамычалары менен туташтыруу жана 1 км аралыка суу түтүктөрүн тартуу иштери башталары күтүлүүдө.
Жогорудагы маселе көптөн бери чечилбей жүргөнүн жана бул маселени чечүү үчүн облус жетекчиси бир канча жолу жеринен кабар алып турганын баса белгилешип, айылдык кеңешинин депутаттары Төө-Моюн айылынын “Ардактуу атуул” наамын Эльчибек Джантаевге жана АРИСтин өкүлүнө тапшырды.