Иллюстрациялык сүрөт
Кара-Суу районунун Фуркат айылында эки унаа кагылышып, эки адам ооруканага түшкөн. Бул тууралуу окуянын күбөлөрү билдирди.
Бул маалыматты бОш облустук жол кыймылынын коопсуздугун камсыздоо бөлүмүнүн басма сөз кызматы тастыкта, төмөнкүлөрдү билдирди.
«Ушул жылдын 4-июль күнү саат 02:10 чамасында, Ош-Алай-Эркештам авто-жолунун 2-чакырымында, Датка айыл аймагынын Фуркат айылында, Мады айыл аймагынын Социализм айылынын тургуну, 1991-жылы туулган М.А. өзүнүн «Хонда Фит» үлгүсүндөгү унаасы менен түштүктөн түндүктү көздөй бара жатып, каршы багытта келе жаткан «ВАЗ 21 06» унаасы менен кагылышып жол кырсыгы катталган. Натыйжада «ВАЗ 21 06» автоунаанын айдоочусу жана жүргүнчүсү денелеринен жараат алышып Ош облусутук ооруканасына жаткырылыган. Учурда териштирүү иштери жүргүзүлүүдө», — деп айтылат маалыматта.
Ал эми Ош облустук бириккен клиникалык ооруканасынын башчысынын орун басары Жаркынай Өмүрзакованын айтымында, жаракат алган жарандардын биринин абалы оор.
«3-июлдан 4-июлга караган түнү Ош облустук ооруканасына эки жаран келип түшкөн. Алардын бири эркек, экинчиси аял. Алардын бири К. Т. жана З. Ж.
К. Т.(эркек)оор абалда келип, жандандыруу бөлүмүнө жаткырылган. Кабыргылары, жоон сөөктөрү сынып жана боору жарылып (разрыв печени) келген, З. Ж. жеңил жаракаты менен келип, абалы учурда жакшы. Жабыр таркткан жарандар Өзгөн районун Мырза-Аке айылынан Ош шаарынын төрөтканалардын бирине келе жаткан. Тез жардам унаанын ичинде дарыгерлер жана кош бойлуу келинчеги өзү болгон, артынан К.Т жана З.Ж. жарандар «ВАЗ 21 06» унаасында келе жаткан болчу», — деди Ж. Өмүрзакова.