Кечээ 7-июль күнү Ош шаарынын Закиров көчөсүндө жайгашкан турак үйдөн өрт чыгып, кошуна турган 4 үй кошо күйүп кеткен. Бул тууралуу окуянын күбөлөрү билдирди. Алар маалымдагандай өрт 3 саат дегенде гана толук өчкөн.
Маалыматты ӨКМ ден тастыктап, төмөнкүлөрдү маалымдашты. Маалыматка ылайык, өрттү өчүрүүгө саат 11:16да Ош шаардык №12 ӨКБдан 1 бөлүм барып, андан соң кошумча 4 бөлүм, жалпы 5 бөлүм тартылган.
«Закиров көчөсүндөгү №120 турак- үйдөн өрт чыккан. Натыйжада 700 чарчы метр турак үй толугу менен күйүп кеткен. Жанаша жайгашкан №118 турак үйдүн 250 чарчы метр аянты, №116 турак үйдүн 98 чарчы метр, №114 турак үйдүн 240 чарчы метр , №112 турак үйдүн 20 чарчы метр аянттары толугу менен чатыры күйгөн. Өрт 15:08 де толугу менен өчүрүлгөн. Жабыркагандар жок»,-деп айтылат маалыматта.