Ош мамлекеттик университенин дене тарбия мугалими жол кырсыгынан каза болду. Алдын ала маалыматка ылайык, окуя 4-июль күнү «Ош» эл аралык аэропортуна бара жаткан жолдо(Юлдашев көчөсү) катталган. Анда «Ниссан Примера» унаасы башкарып келе жаткан айдоочу жол жээгинде велосипедде бара жаткан адамды артынан келип сүзүп кеткен. Натыйжада жабырлануучу оор жарат алып, Ош шаардык клиникалык ооруканасынына жеткирилген. Ал төрт күндөн кийин, тактап айтканда 8-июль күнү өзүнө келбей көз жумган.
Айрым маалыматтарга ылайык, мугалимди сүзүп кеткен жаран Кара-Суу районун Лангар айылынын 1994-жылы туулган тургуну экени жана ал 2021-жылы да унаа башкарып бара жатып бир жаранды сүзүп кетип каза болгону айтылууда.
Бул маалыматты каза болгон мугалимдин кесиптештери тастыктады. Ал ОшМУнун табият таануу, туризм, дене тарбия жана агрардык технологиялык институтунун №2 факультеттер аралык дене тарбия кафедрасынын окутуучусу Осмон Караев экени айылды.
Кесиптештеринин эскерүүсүндө, Караев алдыңкы педагог, волейбол боюнча спорттун чебери жана жеңил атлетика боюнча Кыргыз Республикаснын чемпиону.
Осмон Караев 1982-жылы Ош облусундагы Ноокат районуна караштуу Көк-Бел айылында туулган. Үй-бүлөлүү беш баланын атасы.