Президент Садыр Жапаровдун инисинин кызы Лаззат Нуркожоеванын жигити кармалды. Бул маалыматты президенттин басма сөз катчысы Аскат Алагөзов тастыктады.
Анын айтымында, жигиттин башкы максаты өзүнүн мыйзамсыз иш аракеттерин жашыруу үчүн жогорку бийликтегилерден калкалоочу адамдарды (“крыша”) табуу болгону ачыкталды деп божомолдоого толук негиз бар.
«Баса белгилей кетсем, Президент Садыр Жапаров ким болбосун мыйзамсыз иш аракеттерди жаап-жашырып, калкалоого албайт.
Эми мурдагы жигиттин жана анын шериктеринин мыйзамсыз иш аракеттеринин чоо-жайы тергөө амалдарынын жүрүшүндө аныкталат«,— деп жазган Аскат Алагөзов.
Афтандил Сабырбеков «Кыргызстан сулуусу-2020» сынагынын жеңүүчүсү Лаззат Нуркожоеванын колун сурап, 24-июнда жаратылыш паркына тик учак менен барышкан.