9-июлдан 10-июлга караган түнү Европа чемпионатынын жарым финалында эки жуптук-Франция менен Аргентина кез келсе, Америка Кубогунун жарым финалында Аргентина менен Канада ойноду. Натыйжада, Испания Европа чемпионатынын финалына жолдомо алса, Аргентина Америка Кубогунун финалына жолдомо алды.
Европа чемпионатынын фаворит курамаларынын бири деп айтылып жаткан Франция Испания курамасы менен кез келип, оюн 2:1 эсебинде испандардын пайдасына жыйынтыкталды. Оюндун башында француз чабуулчусу Рандаль Коло Муани эсепти ачкан болсо, Испаниянын 16 жаштагы чабуулчусу Ламин Ямаль гол киргизди. Көп убакты өтпөй эле испан жарым коргоочусу Дани Ольмонун дарбазага карай соккусунан кийин Жюль Кунде топту тосом деп өз дарбазасына гол киргизип алды.
Америка Кубогунун жарым финалчылары- Аргентина менен Канада кез келип, натыйжада 2:0 эсебинде Аргентина курамасы жеңди. Голдорду Хулиан Албварес менен Лионель Месси киргизди.
Бүгүн, 10-июлдан 11-июлга өткөн түнү Англия менен Голландия курамасы ойнойт. Америка Кубогунун жарым финалында Уругвай менен Колумбия курамалары кез келет.