«Балажан» республикалык эстетикалык тарбия берүү окуу — усулдук борбору тарабынан «Ысык-Көл-балдардын көзү менен» аттуу балдар бирикмелеринин лидерлеринин эл аралык жыйыны уюштурулду. Бул тууралуу Ош облустук балдардын чыгармачылык борборунун басма сөз кызматы кабарлады.
Маалыматка караганда, аталган эл аралык жыйынга Ош облусунан лидер окуучулар, окуунун мыктылары, облустук, республикалык сынактардын женүүчүлөрү катышышты.
«Ош облусунан барган лидер балдар башка мамлекеттерден-Россия, Казакстан жана республиканын жети дубанынан келген лидерлер менен түркүн сынактарга, тренинг, мастер класстарга катышуу менен бирге эс алышышты. Форумдун алкагында Стартап бизнес долбоорлор сынагына Ош облусунан бир канча долбоорлор катышып, жыйынтыгында, «Өзгөн- бренд» командасы экинчи орунду, Ош облустук балдардын чыгармачылык борборунун «ЭКО-лидер» командасынын долбоору үчүнчү орунду камсыз кылышып, КР Билим берүү жана илим министрлигинин 2 — 3- даражадагы дипломдору, кубоктору, медаль жана баалуу белектери менен сыйланышты. «Кара- Суу демилгеси», «Экзклюзив», «Демилгечи балдар» топторунун долбоорлору номинациялар боюнча кызыктыруучу сыйлыктарга ээ болушту»,- деп айтылат маалыматта.
Долбоорлорго дүйнөнүн элүүдөй мамлекеттеринде иш жүргүзгөн ийгиликтүү бизнесмендер, тренерлер, мыкты компаниянын негиздөөчүлөрү жана Россия мамлекетинен келген окмуштуулар, университеттин профессорлору өз бааларын беришип, жогору баалашты.
Лидер окуучулар финансы сабаттуулук боюнча тренингдерге, семинарларга катышышып сертификаттарга да ээ болушту.
«Ысык-Көл- балдардын көзү менен» аттуу эл аралык сүрөт сынагында Дастан Кошбалаев 4-орунду ээлеп, кызыктыруучу сыйлыктарга ээ болду.