11-июль күнү түнү Европа чемпионатынын жарым финалчылары- Голландия менен Англия кез келген болсо, Америка Кубогунда Уругвай менен Колумбия финал үчүн жолдомону талашты.
Европа чемпионатынын жарым финалында Англия менен Нидерландия ойноп, натыйжада англичандар жеңишке жетишти. Алгачкы голду Голландиянын оюнчусу Хави Симонс киргизген болсо, англичандардын капитаны Гарри Кейн пенальтиден жооп гол урду. Оюн акыркы мүнөттөрүндө Англиянын чабуулчусу Олли Уоткинс өзгөчөлөнүп, эсепти эки эселентти. Жыйынтыгында Англия жеңишке жетишти.
Финалда англичандарды испандар күтүп турат. Финал оюну 15-июль күнү түнү Бишкек убактысы боюнча 1:00дө башталат.
Испания Европа чемпионатын үч ирет уткан. Англия курамасы тарыхында бул чемпионаттын кубогун көккө көтөрүп көрө элек. Европа чемпионатынын акыркы чемпиону Италия курамасы болуп саналат.
Америка Кубонунун финалчылары да белгилүү болду. Бүгүн, 11-июль таңга маал болгон оюнда Колумбия менен Уругвай ойноп, жыйынтыгында 1:0 эсеби менен колумбиялыктар жеңди. Жалгыз голду Колумбиянын оюнчусу Жефферсон Лерма киргизди. Уругвай атаандаштары бир оюнчуга аз болгонуна карабай алардын дарбазасына жол таба алган жок.
Колумбия финалда Аргентина курамасы менен ойнойт. Оюн 15-июль күнү таңга маал башталат.
Аргентина курамасы Америка Кубогунун ээси катары экинчи ирет финалга жетип келди.