Мыйзамсыз менчиктештирилген 3 миллиард сомдон ашык объект мамлекетке кайтарылды. Бул тууралуу УКМКнын басма сөз кызматы билдирди.
Маалыматка караганда, УКМК тарабынан мыйзамсыз менчиктештирилген ишканаларга карата жүргүзүлүп жаткан иш-чаралардын алкагында көп убакыттан бери иштебей, чарба жүргүзүүчү субъекттердин соода аянтчасы катары пайдаланылган «Ак-Була Араван пахта заводу» ААКсынын 11,14 га жер аянты мамлекеттин балансына кайтарылды. Баалоо иштеринин жыйынтыгы боюнча жер тилкесинин баасы 3 миллиард 217 миллион сомду түздү.
«Маалым болгондой, 1997-жылы Араван районунун айрым кызмат адамдары кызматтык абалынан кыянаттык менен пайдаланып, пахта заводун чет элдик Р.В.А. аттуу жаранга мыйзамсыз жеке менчикке өткөрүп беришкени аныкталган»,- деп айтылат маалыматта.