Түштүк Корея менен Түндүк Кореяны бириктирип туруучу темир жол жана автоунаа жолун жардыруу транспорт жолунун байланышынын гана бузулушу эмес, Корей жарым аралынын бирдиктүү идеясын четке кагууну билдирет. Бул тууралуу Түндүк Кореянын президенти Ким Чен Ын билдиргенин аталган өлкөнүн борбордук маалымат агенттиги кабарлады, деп жазат CentralAsia.
«Биздин армия Корея республикасы бөтөн жана толугу менен душман мамлекет экенин дагы бир жолу айкын түшүнүшү керек. Мындан 2 күн мурун Корея Республикасынын аймагына баруучу автоунаа жолдорду, темир жолдорду толугу менен талкаладык. Бул физикалык гана бөлүнүү эмес, Сеул менен начар байланыштарды да үзүү дегенди билдирет»,- деген Ким Чен Ын.
Ал ошондой эле Түштүк Корея тарабынан кандайдыр бир аракеттер болсо, ага душман мамлекет катары жооп кайтарыларын билдирди.
15-октябрда Түндүк Корея Түштүк Кореяга барчу темир жолду, автоунаа жолдорун жардырган. Түштүк Корея ага жооп катары ок чыгарган.