![Бекназ Алмазбеков "Галатасарай" клубу менен үч жылдык келишимге кол койду Бекназ Алмазбеков "Галатасарай" клубу менен үч жылдык келишимге кол койду](https://oj.kg/wp-content/uploads/2023/09/3b46d683-08e1-49d7-8e05-516774bd457f.jpg)
Кыргызстандык футболчу Бекназ Алмазбеков Түркиянын «Галатасарай» клубу менен үч жылдык келишимге кол койду. Бул тууралуу клубдун Инстаграм баракчасында кабарланды.
![Бекназ Алмазбеков "Галатасарай" клубу менен үч жылдык келишимге кол койду](https://oj.kg/wp-content/uploads/2023/09/6624e8cd-a5ec-43f8-8852-184b620c7b1d-808x1024.jpg)
Эми Алмазбеков «Галатасарай» клубунун негизги курамында ойнойт. Ал буга чейин аталган клубдун жаштар курамасында ойноп келген.
Бекназ Алмазбеков футбол боюнча Кыргызстандын курамасы менен чогуу Мьянмага каршы бир ирет оюн өткөргөн.
«Галатасарай» клубу 2023-2024-жылкы сезондогу Европанын Чемпиондор лигасынын тайпалык оюндарында «А» тайпасына жайгашты. Анда «Бавария», «Манчестер-Юнайтед», «Копенгаген» клубдары менен ойнойт.
Түркиялык бул клуб 1905-жылы негизделген. Ал Түкриянын Супер лигасында ойнойт. Быйылкы сезондо 20 клубдун арасынан 2-сапта келе жатат. Клуб буга чейин 23 жолу Түркиянын чемпионатын, 18 жолу Түркиянын кубогун, 16 жолу Супер кубокту уткан. Ошондой эле, Европалык футбол ассоциацияларынын союзунун кубогун, Супер кубогун уткан.