![Бүгүн Катарда футбол боюнча Азия биринчилиги башталат Бүгүн Катарда футбол боюнча Азия биринчилиги башталат](https://oj.kg/wp-content/uploads/2024/01/419223668_18409264120000623_2091155978781080325_n.jpg)
Бүгүн, 12-январда Катарда футбол боюнча негизги континенталдык турнир – 2023- жылкы Азия Кубогу старт алат. Турнирдин ачылыш беттеши «Лусаил» стадионунда орун алып, анда Катар жана Ливан курама командалар ойнойт. Оюн Бишкек убактысы боюнча саат 22:00дө өтөт.
Кыргыз Республикасынын Улуттук курама командасы Азия биринчилигине өз тарыхында экинчи жолу ойнойт. Ага жалпысынан 24 Улуттук футбол курама командасы катышып, алар төрт командадан турган алты тайпага бөлүнгөн.
Тайпалык этаптын жыйынтыгы боюнча турнирдин плей-офф баскычына ар бир квартеттен эң мыкты эки команда, ошондой эле тайпада 3-орунду ээлегендердин ичинен эң мыкты 4 команда чыгат.
«F» тайпасындагы орун алган биздин команданын атаандаштары Таиланд, Сауд Арабия жана Оман курамалары болот. Турнирдеги биздин команданын старттык беттеши 16-январда «Абдулла Бин Халифа» стадионунда Бишкек убактысы боюнча саат 20:30да өтөт.
УТРК Спорт каналынынын санариптик түйүндөрүндө Азия биринчилигинин бардык оюндары Кыргыз Республикасынын аймагында көрсөтүлөт. Түз алып берүүлөр каналдын тиркемесинде жана сайтында да жеткиликтүү болот.