![Акылбек Жапаров «Rotschild and Co» компаниясынын өкүлдөрү менен жолугушту Акылбек Жапаров «Rotschild and Co» компаниясынын өкүлдөрү менен жолугушту](https://oj.kg/wp-content/uploads/2024/02/65c187f4a62b7-thumb.jpg)
Министрлер Кабинетинин Төрагасы-Кыргыз Республикасынын Президентинин Администрациясынын Жетекчиси Акылбек Жапаров “Rotschild and Co” компаниясынын башкармалыгынын мүчөсү Ариэль Малар де Ротшильд менен жолугушту, деп жазылат Министрлер Кабинетинин сайтында.
Маалыматта айтылгандай, жолугушуунун жүрүшүндө улуттук стратегиялык ири долбоорлорду ишке ашыруу үчүн инвестиция тартуу жана консультациялык кызматтарды көрсөтүү боюнча кызматташуу маселелери талкууланды.
«Тараптар финансылык жана инвестициялык чөйрөдө өз ара аракеттенүүнү жана кызматташтыкты өнүктүрүүгө даяр экендиктерин билдиришти»,-деп айтылат маалыматта.
![Акылбек Жапаров «Rotschild and Co» компаниясынын өкүлдөрү менен жолугушту](https://oj.kg/wp-content/uploads/2024/02/65c187ef75c2c-thumb-1024x683.jpg)
Rothschild & Co — Ротшильд үй-бүлөсүнүн француз жана англис мүчөлөрү тарабынан көзөмөлдөнгөн жана башкы кеңсеси Лондондо жайгашкан финансылык холдингдик компания. Бул Ротшильд банк тобунун флагманы.
Фирманын банк ишкерчилиги инвестициялык банкинг, реструктуризациялоо, корпоративдик банкинг, жеке капитал, активдерди башкаруу жана жеке банкинг чөйрөлөрүн камтыйт. Ал ошондой эле өкмөттөр менен ири корпорацияларга кеңешчи жана кредитор катары белгилүү. Мындан тышкары, компаниянын өзүнүн жеке инвестициялык эсеби бар.