Футбол боюнча Кыргызстандын 20 жашка чейинки курактагылар арасындагы курамасы БорБор Азия чемпионатындагы алгачкы оюнун жеңиш менен баштады.
Мирлан Эшеновдун шакирттери Ооганстандын курамасы менен кез келип, ири эсепте — 4:0 эсебинде жеңишке жетишти. Голдорду Умар Мадаминов (9), Ырыскелди Маданов (62), Арген Эмильбеков (77), Кайрат Абдирасуло (86) киргизишти.
Улутукк коопсуздук боюнча мамлекеттик комитеттин төрагасы Камчыбек Ташиевдун уулу экинчи таймда оюнга түшүп, Кыргызстандын жаштар курамасындагы дебюттук оюнун өткөрдү.
Бул эл аралык мелдеш Борбор Азия футбол ассоциациясы тарабынан уюштурулуп, Жалал-Абад шаарынын «Курманбек» стадионунда өтүүдө. Мелдешке Кыргызстан, Иран, Өзбекстан, Ооганстан, Тажикстан, Түркмөнстандын курамалары катышууда.
Кыргыз курамасы «А» тайпасында Тажикстан жана Ооганстан менен бирге жайгашты.
Тайпалык этаптын кийинки беттеши 9-июль күнү Кыргызстан менен Тажикстандын курамаларынын ортосунда болмокчу.