«ФЕТО» уюмунун лидери Фетхуллах Гүлен каза болду. Бул тууралуу «CentralAsia» басылмасы Түркиянын өкмөттүк «Hürriyet» геизитине шилтеме берип жазды.
«Haber7» басылмасы жазгандай, Гүлендин өлүмү тууралуу маалымат анын чөйрөсүнө жакын «Herkulnağme» сайты аркылуу таратылган. Маалыматка караганда, 83 жаштагы Гүлен АКШнын Пенсильвания штатында жашачу. Ал кечээ, 20-октябрда ооруканада каза тапкан.
Түркиянын бийлиги Гүленди 2016-жылдын июлундагы төңкөрүштү жасоого аракет кылган деп айыптап келген. Эки күнгө созулган төңкөрүштө 250дөн ашык адам каза болуп, 2,2 миң киши жараат алагн. Анкара АКШдан Гүленди экстрадициялоону кайра-кайра талап кылып келген.
«ФЕТО» Түркияда террористтик уюм катары таанылган жана өлкөдө Гүлендин жактоочуларына каршы операциялар үзгүлтүксүз жүргүзүлүп турат.
- Фетхуллах Гүлен 1999-жылдан бери АКШда жашайт. Ал теология жана педагогика боюнча илимий эмгектердин автору катары да белгилүү.