Белгилүү болгондой, 2020-жылдын 13-ноябрында КР Президентинин «2021-2026-жылдары Кыргыз Республикасында Кыргыз жараны деп жарандардын өзүн таануусун өнүктүрүүнүн концепциясы жөнүндө» жарлыгы чыккан. Жарлыкта “Кыргыз Республикасында Кыргыз жараны деп жарандардын өзүн таануусун өнүктүрүүнүн концепциясы Кыргыз Республикасында элдин биримдигин жана этностор аралык мамилелерди чыңдоо концепциясынын логикалык уландысы болуп саналат. Концепцияда Кыргыз Республикасында улуттук саясатты калыптандырууга жаңы мамиле жасоо — Кыргыз жараны деп жарандардын өзүн таануусунөнүктүрүү процессин баштоо сунушталат. Этностор аралык ынтымакты бекемдөөгө, жарандык бирдейликти жана туруктуулукту камсыздоого өбөлгө түзүүчү мындай саясатты улантуу зарылчылыгын тажрыйба көрсөттү.
Учурда ийгиликтүү жана өнүккөн мамлекетти курууга умтулган, түрдүү маданий, этностук, диний салттарды карманган жарандардын жамаатын калыптандырууга багытталган 2018-2040-жылдары Кыргыз Республикасын өнүктүрүүнүн улуттук стратегиясы ишке ашырылууда. Кыргыз жараны деп жарандардын өзүн таануусу өлкөнүн көз карандысыздыгын жана анын бакубатчылыгын бекемдөөнүн социалдык негизин түзөт жана принциптердин жана көз караштардын расмий системасы болуп саналат.
Кыргыз жараны — бул этностук, диний, социалдык жана региондук таандыктыгына карабастан, Кыргыз Республикасынын Конституциясына ылайык укуктары жана милдеттери бар Кыргыз Республикасынын жараны.
««Кыргыз жараны» деген термин өлкөнүн аталышы болгон «Кыргыз Республикасы» деген аталыштан келип чыгат жана өздөрүнүн этно-маданий таандыктыгын сактоо менен бардык этностук жамааттарды бириктирген жалпы жарандык бирдейликтин термини болуп саналат.
Кыргыз жараны деп жарандардын өзүн таануусун өнүктүрүү ар бир кыргыз жаранын өлкөнүн социалдык-экономикалык жана коомдук-саясий турмушуна катышуусу үчүн бирдей шарттарды жана мүмкүнчүлүктөрдү түзүү, коомдо көп түрдүүлүктү сактоо жана толеранттуулукту жогорулатуу жолу менен жетишилет. Толеранттуулук жана көп түрдүүлүк деген баалуулуктар ар түрдүү социалдык топтордун жана этностук жамааттардын ортосунда активдүү кызматташууну, өнөктөштүктү жана биргелешкен ишмердүүлүктү талап кылат.
Мамлекеттик тил Кыргыз Республикасында Кыргыз жараны деп жарандардын өзүн таануусун өнүктүрүүгө өбөлгө түзүүчү маанилүү факторлордун бири болуп эсептелет. Кыргыз жараны деп жарандардын өзүн таануусу билим берүүнүн, маданияттын, үй-бүлөдө жана коомдо инсанды тарбиялоонун жана өстүрүүнүн бир бөлүгү болушу керек. Кыргыз жараны деп жарандардын өзүн таануусун өнүктүрүүнүн концепциясынын идеяларын жайылтууда мамлекеттик жана муниципалдык башкаруу органдары өзгөчө орунду ээлейт, алар бекитилген конституциялык ченемдерди ишке ашырууга жана ар бир жарандын керектөөлөрүн камсыз кылууга тийиш,”- деп белгиленген.
Аталган жарлыктын негизинде 2021-2026-жылдары Кыргыз Республикасында Кыргыз жараны деп жарандардын өзүн таануусун өнүктүрүүнүн концепциясы бекитилген. Концепцияны ишке ашыруу боюнча 2021-2026-жылдарга иш-чаралардын планын Кыргыз Республикасынын мамлекеттик органдарынын, жергиликтүү өз алдынча башкаруу органдарынын жана жарандык коомдун сунуштарын эске алып, ачык-айкын чаараларды, каржылоо булактарын, аларды ишкеашыруунун мөөнөттөрүн, аткарылышы үчүн жооптуу органдарды жана кызмат адамдарын аныктоо менен үч айлык мөөнөттө иштеп чыгуу жана бекитүү аталган жарлыкта каралган.
Ошондой эле мамлекеттик органдар, жергиликтүү өз алдынча башкаруу органдары жана жарандык коом менен бирдикте Концепцияны ишке ашыруу боюнча 2021-2026-жылдарга иш-чааралардын планын толук көлөмдө жана белгиленген мөөнөттө аткарууну камсыз кылуу жагы айтылган.
Кыргыз Республикасынын Президентинин Аппараты мамлекеттик органдар, жергиликтүү өз алдынча башкаруу органдары жана жарандык коом менен бирдикте Концепцияны ишке ашырууга мониторинг жүргүзүүнүн жана баа берүүнүн негизинде Кыргыз жараны деп жарандардын өзүн таануусун өнүктүрүү чөйрөсүндөгү мамлекеттик саясатты өркүндөтүү боюнча туруктуу ишти жүргүзүүсү да жарлыкта белгиленген.
Жогоркулардын негизинде кыргызстандыктардын жарандык иденттүүлүгүн калыптандыруу максатында «Кыргыз жараны» концепциясы жүзөгө ашырылууда. Өлкөнүн аймагында жер-жерлерде тегерек столдор, семинарлар жана башка иш чаралар өткөрүлүп, Кыргыз жараны концепциясы боюнча түшүндүрүү кампаниясы жүргүзүлдү.
Көп түрдүүлүктү – иденттүүлүктү, өлкөдөгү этностордун тилин жана маданиятын сактоо, өнүктүрүү зарылдыгы маалым. Белгилей кетсек, көп улуттуу Кыргыз Республикасынын эгемендүүлүк жылдарында мамлекеттик этностук саясат өнүгүүнүн татаал этаптарынан өткөн, 2010-жылдагы этностор аралык мамилелер чөйрөсүндөгү кризистен кийин мамлекетибизде өлкөдөгү этностор аралык процесстерди башкаруу боюнча тиешелүү жумуштар аткарылууда.
Кыргызстандын элинин биримдигин жана этностор ортосундагы мамилелерди чыңдоо боюнча аталган концепция ишке ашырылып жатат. Бул Концепция мамлекеттин этникалык саясатынын биринчи стратегиялык документи болуп калды, ал анын негизги багытын – Кыргызстанда элдин биримдигин жана этностор аралык мамилелерди чыңдоону аныктады. Жогоруда айтылгандай, КР Президентинин Жарлыгы менен 2021-2026-жылдарга Кыргызстанда «Кыргыз жараны» деп жарандардын өзүн таануусун өнүктүрүүнүн концепциясы бекитилген. Бул концепция “2013-2017-жылдарга Кыргыз Республикасында элдин биримдигин жана этностор аралык мамилелерди чыңдоо Концепциясынын” логикалык уландысы болуп саналат жана улуттук, көз карандысыз эксперттердин катышуусу менен иштелип чыккан. Айтканыбыздай, ал азыр жүзөгө ашырылууда. Концепциянын негизги максаты – Кыргыз Ресрубликасынын бардык этностук жамааттарынын этномаданий өзгөчөлүгүн сактоо менен бириктирүүчү жалпы жарандык иденттүүлүктү өнүктүрүү жана жайылтуу үчүн жагымдуу чөйрөнү өнүктүрүү болуп саналат.
Дагы бир жолу белгилесек, «Кыргыз жараны» концепциясын жайылтууга чоң аракеттер жасалып, 2021-2026-жылдарга карата бекитилген иш-чаралардын планынын негизинде иштер жүрүүдө.
Кыргыз жараны — этникалык, диний, социалдык жана аймактык таандыгына карабастан КРдин Конституциясына ылайык укуктарга жана милдеттерге ээ. Андыктан концепцияны жайылтууга басым жасалып, 2021-2026-жылдарга карата бекитилген ишчаралардын планынын негизинде иштер жүрүүдө.
К.Кыдыралиева