[cmsmasters_row][cmsmasters_column data_width=»1/1″][cmsmasters_text]
Ош облусунун аймагында жаңы-жыл майрамына карата жер-жерлерде орнотулган балатынын алдына майрамдоого же сүрөткө түшүү үчүн келген жергиликтүү тургундар менен айыл аймактардан келген коноктор үчүн коопсуздук чаралары каралган. Бул тууралуу облустук милициянын маалымат кызматынан кабарлашты.
Маалыматка ылайык, милициянын көчмө кабылдамасы коопсуздукту жеринде камсыз кылып, жарандарга сервисттик тейлөө көрсөтүшүүдө.
Көчмө кабылдама ар кандай укук буузуларды алдын алып, жарандарга спирт ичимдиктерин коомдук жайларда ичпөө, пиротехникалык заттарды колдонбоо, өрт коопсуздугун сактоо, жетелеп келген жаш балдарга кайдыгер болбоо боюнча түшүндүрүү иштерин жүргүзүшүүдө.
Мындай иш-чара облус аймагындагы бардык райондордо жаңы-жыл майрамы бүткөнгө чейин уланат.
[/cmsmasters_text][/cmsmasters_column][/cmsmasters_row]