Сүрөт: Каныбек Туманбаевдин Фейсбук баракчасынан.
«Ош» пансионаты менен «Ош» турбазасы мамлекетке өттү. Бул тууралуу Президенттин иш башкармалыгынын жетекчиси Каныбек Туманбаев Фейсбуктагы баракчасына жазды.
https://www.facebook.com/100028768024648/videos/1469019344025484
Анын айтымында, аталган эс алуу жайлардын жерлерин мурдагы жетекчилери, экс депутат жана башка адамдар менчиктештирип алганы маалым болду.
Туманбаев белгилегендей, «Ош» пансионаты 21,5га болгон, азыр 17,68га гана жери калган. «Ош» турбаза 4га болгон, азыр 2,8 га гана жери калган.
«Ким болбосун мыйзамсыз менчиктештирип алган жерлерди кайра мамлекеттин карамагына кайтарып алышыбыз керек»,- деп айтылат маалыматта.
Каныбек Туманбаев «Ош» пансионатына келип, андагы имараттардын абалы менен таанышып чыккан.
Буга чейин иликтөөчү журналист Ыдырыс Исаков аталган пансионат боюнча иликтөө жасап, бир катар фактыларды таап чыккан.