Нөшөрлөп жааган жамгырдын кесепетинен Кара-Кулжа районунун Ак-Кыя айылында сел жүрүп, анын кесепетинен жол тосулган. Кечээ, 1-июль күнү жол эки тараптуу ачылды. Бул тууралуу Президенттин Ош облусундагы өкүлчүлүгүнүн басма сөз кызматы билдирди.
Маалым болгондой, 1-июль күнү эрте менен Президентинин Ош облусундагы ыйгарым укуктуу өкүлү Эльчибек Джантаев сел болгон жерде кырсыктын кесепеттерин жоюуга тартылган кызматтардын ишин координациялап, жергиликтүү эл айткан маалыматтарды жеринде талкуулады. Каражат маселесин чечип берерин айтып, облустук жана райондук жарандык коргоо кызматынын жетекчилерине бир катар милдеттерди койду.
«Жол эки тарапка ачык, кеңейтүү иштери жүрүүдө»,- деп айтылат маалыматта.
Жабыркагандарга жардам көрсөтүү жана облус тургундарынын коопсуздугун камсыздоо боюнча тиешелүү кызматтар күнү-түнү иштеп жатат.