БУУнун башкы катчысы Антониу Гутерриш буга чейин Борбор Азияга келген учурда аймак экиге бөлүнгөндөй сезилгенин Садыр Жапаров менен болгон жолугушуусунда билдирди.
Ал бүгүн Борбор Азия өлкөлөрүнүн лидерлери бир аянтчага келип, жакшы диалог жүргүзүп, аймактын көйгөйлөрүн чечүү боюнча иштерди жасап жатканы кубандырып жатанын белгиледи.
«Мен аймактын иштерине кийлигишпейм, бирок БУУ ар бир өлкөнүн аракетине оң баа берет. Бул дүйнөлүк экономикалык интеграция үчүн маанилүү. Ар бир мамлекет жалгыз жакшы натыйжаларга жетише албайт. Борбор Азия- күчтүү элемент. БУУ аймактагы өлкөлөрдү колдойт жана алар менен кызматташууну улантууга даяр»,- деди Гутерриш.
БУУнун башкы катчысы Антониу Гутерриштин Кыргызстанга сапары 1-июлда башталып, 3-июлда аягына чыгат. Андан соң ал Астанага барат. Гутерриш Борбор Азия өлкөлөрүнө сапарын Өзбекстандан баштаган.