1-июндан тарта Ош шаарында «Коопсуз шаар» долбоорунун биринчи этабына старт берилген. Долбоор 1 ай тесттик режимде иштемек. Мында автоунаалардын жол эрежесин бузгандыгы фото, видеого тартып алынат, бирок айып пул салынбайт.
Айып пул салуу 1-июлдан тарта ишке кирмек, бирок техникалык себептерден улам жөнгө салына элек. Мындай маалыматты «Турмуш» басылмасы Ош шаарынын мэриясынын муниципалдык менчик башкармалыгынын башчысынын орун басары Максат Орозалиевге таянып жазды.
«27-июнда Ош шаарында ведомстволор аралык кеңешме өтүп, ал кеңешмеде техникалык даярдыктарды аягына чыгаруу үчүн «Коопсуз шаар» долбоорунун мөөнөтүн жылдыруу боюнча сүйлөшүүлөр жүргөн. «Единый реестр прав нарушений» деген система бар, аны интеграциялоо керек. Ушуга окшогон бир катар техникалык себептерден улам азырынча видеокамералар иштей элек», -дейт М. Орозалиев