Бешинчи дүйнөлүк көчмөндөр оюндарындагы көк пар боюнча финалчылар аныкталды. Көк пар боюнча мелдешке жалпы 9 команда ат салышкан.
Көк пар боюнча Кыргызстандын курамасы өз жолун 1/4 финалдан баштаган. Анда Монголия курамасы менен кез келип, 16:0 эсебинде уткан. Жарым финалдык баскычта кыргыз курамасы Түркия менен ойноп, 15:1 эсебинде жеңип, финалга чыккан.
Казакстан курамасы оюндарын 1/8 баскычынан баштап, Өзбекстан курамасын 16:0гө жеңип, чейрек финалда АКШнын курамасын 12:4 эсебинде утуп, жарым финалда Орусиянын командасы 18:2гө утуп, финалга жолдомо алды.
Кыргызстан менен Казакстандын финалдык беттеши 12-сентябрь күнү Бишкек убактысы боюнча саат 12:00дө башталат.
Коло медаль үчүн Түркия менен Орусиянын курамалары кез келет.