16-сентябрь күнү Амир- Тимур (Калинин) көчөсүн толук капиталдык оңдоп-түзөөдөн өткөрүү жумуштары башталды, деп билдирди Ош мэриясынын маалымат кызматы.
Маалыматка караганда, мэр Бакытбек Жетигенов иштин жүрүшү менен жеринде таанышып, иштерди белгиленген иш мерчеми боюнча жүргүзүүнү, мөөнөтүндө сапаттуу бүткөрүүнү тапшырды.
«Белгилей кетсек, аталган жолду Кытай Эл Республикасынын «Чайна Роад» ишканасы оңдоп, түзөйт»,-деп айтылат маалыматта.
Жумуштардын алкагында тротуарларды, аялдамаларды куруу, ирригациялык, коммуналдык тармактарды орнотуу, жашылдандыруу иштери жүргүзүлөт.