Бүгүн, 23-сентябрда Кара-Кыргыз автономиялуу облусунун түзүлгөндүгүнүн 100 жылдыгына жана “Кыргыз Республикасынын мамлекеттик тили жөнүндө” мыйзамынын кабыл алынгандыгынын 35 жылдыгына карата уюштурулган «Сармерден» оюнунда Ош шаардык билим берүү башкармалыгынын жана КР Коргоо министрлигинин түштүк-батыш оперативдик командачылыгынын курамы финалга өтүп, күч сынашты, деп билдирмэриянын маалымат кызматы.
Маалым болгондой, Сармерден сынагынын талаптарына ылайык эки эки команда өз өнөрлөрүн тартуулашты. Жыйынтыгында калыстар тобунун чечими менен Ош шаардык билим берүү башкармалыгы жеңүүчү деп табылган.
«Соңунда мамлекеттик тилдин өнүгүүсүнө кошкон салымдары үчүн жеке тараптар, мелдештин жеңүүчүлөрү жана катышуучуларына Ош шаарынын мэриясынын Ардак грамотасы жана акчалай сыйлыктар менен сыйланышты»,- деп айтылат маалыматта.
“Кыргыз Республикасынын мамлекеттик тили жөнүндө” мыйзам 1989-жылдын 23-сентябрында кабыл алынган.