25-сентябрда Кыргыз футбол биримдигинин көп жылдык техникалык өнөктөшү болгон «JOMA» компаниясы Баткен облусуна балдардын спорттук кийимдеринен турган кайрымдуулук жүгүн тапшырды. Бул тууралуу Кыргыз футбол биримдигинин басма сөз кызматы билдирди.
Маалыматка караганда, сертификатты тапшырууга «JOMA» компаниясынын өкүлү Роман Олюхнич жана КФБнын Биринчи вице-президенти Нурдин Букуев катышты.
Жүк Баткен райондук футбол ассоцициясына өткөрүлүп, облустун жаш футболчуларын колдоо үчүн жумшалат.
«Кыргызстандын футбол союзу «JOMA» компаниясына Кыргызстанда балдар футболун өнүктүрүүгө болгон салымы үчүн чын жүрөктөн ыраазычылык билдирет. Биз мындан ары да бекем кызматташтыкты жана балдардын спорттук кыялдарын ишке ашырууга жардам бере турган биргелешкен демилгелерди бирге аткарабыз деген ишеничтебиз»,- деп айтылат маалыматта.