Гонконгдун бажы кызматкерлери Кыргызстандан барган жүктөн 11,3 млн долларлык метамфетамин табышты. Бул тууралуу Гонконгдун ЖМКсына шилтемелер «Сводка АКИпресс» жазды.
Баңгизаттар кооздолгон керамика салынган жыгач поддондорго катылуу болгон. Жүк учак аркылуу барган.
Баңгизат кылмыштарын иликтөө боюнча бажы бюросунун ага тергөөчүсү Иван Чоу Винг-Чонгдун айтымында, бул жүк алардын көңүлүн бурган, анткени Кыргызстандан мындай товарлар жөнөтүлбөйт.
Рентген аппараты аркылуу текшерүү учурунда поддондордун бириктирилген жерлеринен баңгизат салынган баштыктар катылган жашыруун бөлүктү көрүшкөн. Табылган метамфетаминдин жалпы салмагы 88 килограммды жүзгөн.
Бул жүк үчүн Гонконг аэропортуна келген 54 жаштагы киши кармалды. Учурда Гонконгдун коопсуздук күчтөрү кылмышка тиешеси барлардын барлыгын аныктоодо.