Дүйнөлүк чемпионатка тандоо этабынын 3-раундунун тайпалык оюндардын төртүнчү турунда «Ак шумкарлар» өз үйүндө Түндүк Кореянын үстүнөн алгачкы ирет кичи эсепте жеңишке жетишти.
Оюн кечээ, 15-октябрь күнү кечинде Бишкек шаарындагы Дөлөн Өмүрзаков атындагы стадиондо болуп, Кристиан Браузмандын 11-мүнөттө киргизген голунун натыйжасында кыргыз курамасы жеңүүчү болуп, алгачкы 3 упайына ээ болду.
Мындан сырткары, Кыргызстан жана Түндүк Корея менен катарлаш эле Өзбекстан өз үйүндө БАЭни кабыл алып, 1:0 эсебинде уткан болсо, Иран Катарды 4:1 эсебинде жеңди.
4-турдун натыйжасында Иран курамасы менен Өзбекстан курамасы 1-2-орунга жайгашкан болсо, эки араб курамасы — БАЭ менен Катар төрттөн упайга ээ болуу менен 3-4-орунду ээледи. Кыргызстан бир тепкич өйдө көтөрүлүп, 5-орунга жайгашса, Түндүк Корея 6-орунду камсыздады.