Ош облусунун Кара-Суу районунун эки айыл өкмөтүндө кадрдык өзгөрүүлөр болду. Бул тууралуу «Турмуш» басылмаы жазды.
Маалыматка караганда, Манас айыл өкмөтүнүн башчысы Савай айыл өкмөтүн жетектеп, Манас айыл өкмөтүнө жаңы башчы келди.
Кечээ, 15-октябрь күнү Кара-Суу райондук мамлекеттик администрациясынын башчысы-аким Табалдиевдин 15-октябрдагы буйругуна ылайык, Манас айыл өкмөтүнүн башчысы Садыков Тынчтык Таштанович ээлеген кызматынан бошотулуп, Савай айыл өкмөтүнүн башчысы болуп дайндалды.
Ошондой эле, аким башка буйругу менен Манас айыл өкмөтүнүн башчысы кылып Рустамов Аскарбек Асилбековичти дайындады. Аскарбек Рустамов буга чейин Төлөйкөн айыл өкмөтүн жетектеп келген.
Тынчтык Садыков Манас айыл өкмөтүнүн башчысы болуп 2022-жылдан бери эмгектенип келген.
Ал эми Савай айыл өкмөтүнүн мурдагы башчысы Мурат Кыргызбаев кылмыштуу ишин жашыруу үчүн УКМКнын кызматкерине пара берүү фактысы менен кармалган.