2023-жыл тоо койнундагы Алай району үчүн
жакшы жылдардан болду. Райондо эл чарбасында алдыга койгон пландарыбызды турмушка ашырууга жетиштик. Белгилей кетсек, райондогу өнөр жай тармагы боюнча айтсам, өнөр жай продукцияларынын өндүрүшүнүн көлөмү 2022-жылдын 11 айына салыштырмалуу 85,3% аткарылды.
Ал эми айыл чарбасы боюнча Жаңы-Алай айыл өкмөтүнүн ЖаңыАлай айылына жемиш сактоочу логистикалык борбор курулуп, ишке берилди. “Сары-Таш” логистикалык борборун куруу үчүн мамлекеттик акты алынып, инвестор күтүлүүдө. Сүт багытындагы асыл тукум уйларды өстүрүү максатында “Чоң-Бүлөлү” айыл чарба кооперативи долбоордун негизинде Дүйнөлүк банктын каржылоосу менен Россия мамлекетинен 85 баш симентал породасында сүт багытындагы асыл тукум уйларды алып келдик. Учурда андан 30 төл алынды. Сүт саай турган аппарат 3 даана, комбикорм жасоочу аппарат, сүт сактоочу, ташуучу 2 тонналык 2 даана цистерна, чөп майдалуучу аппарат жалпы 3,7 млн. сомдук жабдуулар алынды.
Калкты жумуш орду менен камсыздоодо район боюнча 129 жумуш орун түзүлдү. Курулуш, инфраструктураны жакшыртууда Т.Жумабаев атындагы орто мектеп пайдаланууга берилсе, Ак-Жай айылына футбол аянтчасы курулду.
Ошондой эле, Сары-Могол, айыл өкмөтүнүн административдик имараты жаңы курулуп, пайдаланууга берилди. Ал эми Үч-Дөбө айыл
өкмөтүнүн имаратынын курулушу аяктап калды. Негизинен учурда курулушу жүрүп жаткан обьектилер да бар. Аларды буюрса, белгиленген мөөнөтүндө ишке берүүгө тыкыр жумуштар алынып барылууда.
Ичүүчү таза суу маселесинде болсо, Үч-Төбө айыл өкмөтүнүн Ак-Босого, Кызыл-Алай, ЧоңКаракол айылдарында таза суунун курулушу сыноо мөөнөтү менен пайдаланууга берилди.
Үч-Төбө айыл өкмөтүнүн Кичи-Каракол айылына таза суунун курулушу жүрүп жатат. КоңурДөбө айыл өкмөтүнө таза суу системасын орнотуу боюнча курулуш иштери башталган. –Ленин айыл өкмөтүнүн Күң-Элек айылына таза суу кампасы курулуп, түтүктөрү орнотулууда. Сары-Таш айыл өкмөтүнүн Нура айылына ичүүчү таза суу курулушунун долбоору даярдалып, республикалык бюджеттен каржылоого титулдук тизмеге киргизилди. Ал эми АРИС программасынын чектеринде Бүлөлү айыл өкмөтүнүн
Чоң-Бүлөлү айылына курулуш иши башталып,
борбордук резервуарды куруу башталып, 95,0%
жумуш аткарылды. Ал эми Кичи-Бүлөлү айылына таза суунун курулушу башталууда.
Чакан ГЭСтерди куруу иштеринде да бир топ жылыштар болду. Алай айыл өкмөтүнүн Аскалы чатына курулуп жаткан ГЭСтин курулушуна «Кыргыз индустрия» ААК тарабынан каражат каралып, 70,0% жумуш аткарылды. КоңурДөбө айыл өкмөтүнүн Капчыгай участкасына “Алай Гидро” ЖЧК тарабынан чакан ГЭС куруу боюнча каржылоого Кыргыз-Орус өнүктүрүү фонду менен жеке келишим түзүлдү.
Ал эми көпчүлүктүн көңүлүн бурган жол маселесинде Корул айыл өкмөтүнүндө ГүлчөКорул-Суук-Дөбө жолунан 2 км. жерине, Кабылан-Көл айыл өкмөтүндө Гүлчө-Кабылан-Көл жолуна 2 км. жолуна, Бүлөлү айыл өкмөтүндө 1,2 км. жолуна, Үч-Төбө айыл өкмөтүнүн КичиКаракол, Ак-Жай, Гежиге айылдарында 1,0 км. жолуна, Согонду айылына 1,0 км. жолдорго асфальт төшөлүп, пайдаланууга берилди. Ошондой эле, ар бир айыл өкмөттүн айылдарынын ички жолдорун асфальттоо иштери алынып барылды.
Жаңы-Алай айылынын кире беришине светофор орнотулуп, Гүлчө-Будалык автожолунун 8-чакырымына 2,4-4 метр көпүрө курулушу жүрүп жатат. Туризмди өнүктүрүү, туристтик зонанын инфраструктурасын жакшыртуу боюнча Алай айыл өкмөтүнүн Көлдүк айылынын Көлдүк участкасында муниципалдык эс алуу жайы пайдаланууга берилди. Сары-Могол айыл өкмөтүнүн Тулпар-Көл жайлоосунун муниципалдык боз үйлөр шаарчасынын курулушу бүткөрүлдү.
Будалык айыл өкмөтүнүн Оро-Дөбө айылына муниципалдык эс алуу жайын курууга темир кыргыз үйлөр жасалып тигилди айланасы ирээтке келтирилди. Ал эми жеке ишкерлер тарабынан Үч-Төбө айыл өкмөтүнүн Ак-Босого айылынын Шумкар участкасында эс алуу жайы пайдаланууга берилсе, Сары-Ой жайлоосундагы «РАЯН» эс алуу борборунда бардык шарты менен 10 боз үй 10 коттедж ишке берилди.
60 орундуу жеңил конструкциядагы заманбап ресторан, чакан ГЭС, кышы-жайы иштей турган баня курулуп пайдаланууга берилди. Мындан сырткары, дагы да эс алуучу жайларды курууга ишкерлер менен келишим түзүлүп, жерлер ажыратылып берилип, тийиштүү жумуштар жүрүүдө. Бул иштер буюрса, алдыдагы жылда турмушка ашаарына ишенебиз.
Ал эми саламаттыкты сактоо тармагы боюнча кеп салсам, АРИС тарабынан каржылоо менен Алай райондук жалпы дарыгерлер практика борборунун төрөт, хирургия жана кайра жандандыруу бөлүмдөрүнүн чатырын алмаштырып, жылытуу системасын толук реконструкциялоодон өтүп, курулуш иштери аткарылып пайдаланууга берилди. Алай райондук жалпы дарыгерлер практика борборуна тез
жардам автоунаасы берилди. Алай райондук жалпы дарыгерлер практика борборунун поликлиника бөлүмүндө «Эл Аман» мамлекеттик дарыканасы ачылды.
Билим берүү боюнча айтсам, мугалим менен камсыз болуу 99,3% түздү. Китеп менен камсыз болуу 78,0%, интернет менен камсыз болуу 100% болду. Ысык тамак менен камсыздоодо эл аралык уюмдар менен да иштешип жатабыз. Кубандырганы 1 окуучу «Алтын тамга» сынагынын жеңүүчүсү болду. Республикалык
предметтик олимпиада 4 окуучу катышып, 1 окуучу 3-орунду камсыз кылды.
Ал эми балдар бакчаларына кайрылсам, райондогу 41 мектепке чейинки билим берүү уюмдары бар. Бакча жетишсиздигин чечүүдө курулуштар жүрүп жатат.
Социалдык контракттын негизинде жакыр жана аз камсыз болгон 2023-жылга 302 үй-бүлөгө ар бирине 100,0 миң сомдон өздөрүнүн эсеп счетторуна которулуп берилди жана мал жандыктар, чарба буюмдарын алышты.
Жыл жаңырып, кайрадан узап, убакыт учкан куш. Келе жаткан жаңы жыл кыргыз элине бакыт-таалай, ынтымак, бөөдө кырсыктан, кайгыдан сырткары болуп, жакшылыктар жылоолосун. Эл турмушу оңолуп, түркүн түйшүктөн арылуусун каалайм. Калкыма ден соолук каалайм жана барчылыкта, токчулукта аманэсен болушсун.
Назгүл Өмүрзакова