Сүрөт «Жамийла» тасмасынан алынган.
Жамийла» биринчи Улуттук мюзиклинин бет ачары өтөт. Мындай маалыматты Маданият, маалымат, спорт жана жаштар саясаты министрлигинин басма сөз кызматы кабарлады.
Маалым болгондой, президенттин «Инсандын руханий-адеп-ахлактык жана дене тарбиясы жөнүндө», «2022-2027-жылдарга улуттук наркты сактоо жана өнүктүрүү жөнүндө улуттук программаны бекитүү тууралуу» Жарлыктарынын негизинде жана Ч. Айтматовдун 95 жылдыгына карата, Ч. Айтматовду «Жамийла» повестинин негизинде даярдалган «Жамийла» аттуу мюзикл тартууланат.
«Мюзиклдин бет ачары 12-апрелде саат 18:30да Т. Сатылганов атындагы Кыргыз Улуттук филармониясында өтөт»,- деп айтылат маалыматта.
«Жамийла» мюзикли – бул оригиналдуу автордук музыка, поэзия, видео контент, көркөм жасалга, заманбап сценография, кыргыздын салттуу маданияты, тарыхый кийимдери, фольклору, хореографиялык, музыкалык жана вокалдык чыгармачылык айкалыштырган көркөм оюн.
Мюзикл 17-апрелге чейин сахнада коюлат.
Айтматовдун «Жамийла» чыгармасынын жаралганына быйыл 65 жыл толду.