16-июнь күнү Ош шаарындагы троллейбус каттамы Курман Айт майрамына карата бекер каттайт. Бул боюнча маалыматты Ош шаардык муниципиалдык автотранспорт ишканасынын директору Саибжан Турдуев билдирди.
Анын айтымында, кээ бир көчөлөр оңдоп-түзөөгө байланыштуу троллейбустардын 2-каттамы убактылуу каттабай турат. Ал эми 1-каттам өз каттамын аткарууда.
“Учурда жол казылып, жылуулук ишканасынын иштери жүрүп жаткандыктан 2-каттамдагы троллейбустар токтоп турат. 1-каттамдагы 14 троллейбус Курман Айт күнү жүргүнчүлөрдү бекер ташыйт”-деп айтылат маалыматта.