Президент Садыр Жапаров Алмамбет Шыкмаматовду өзүнүн жардамчысы кылып дайындады. Бул тууралуу президенттин басма сөз кызматы билдирди.
Маалыматка караганда, аны дайындоо туралуу тескемеге 18-июлда кол коюлган.
Шыкмаматов 2023-жылдын 5-сентябрынан бери Мамлекеттик ипотекалык компаниянын төрагасы болчу. Ага чейин «Бишкек» СЭЗ мекемесин башкарган.
Шыкмаматов Жогорку Кеңештин депутаты, «Ата-Мекен» партиясынын лидери, инвестиция жана юстиция министри, Мамлекеттик каттоо кызматынын төрагасы болуп эмгектенген.