14-июндан 20-июнга чейин Ош шаарындагы “Бахус” аталышындагы рейд өтүп, 2 миң 962 жол эрежелерин бузган факты аныкталган. Бул тууралуу Ош ШИИБи боюнча милициянын кайгуул кызматынын басма сөз кызматы маалымдады.
Маалыматка караганда, “Бахус” рейдинин максаты- мас абалда рулду башкарган айдоочуларды кармоо жана карама-каршы багыттатта айдаган айдоочуларды аныктаоо болуп саналат.
Рейдин натыйжасында жалпы 2 миң 962 жол эрежелерин бузган факты аныкталды. Алардын ичинен:
- 56 айдоочу мас абалда автоунаа башкаргандыгы аныкталган;
- 51 айдоочу техникалык документтери жок башкаргандыгы аныкталган;
- 2 миң 115 айдоочу транспорт каражаттарынын жол кыймылынын эрежелерин бузган;
- 1467 айдоочу жол белгилеринин талаптарын аткаркан эмес (Жол белгилеринин талаптарын,карама каршы, токтоо же токтоптуруу бузуу);
- 308 айдоочу жөө жүргүнчүлөрдү өткөрбөй койгон;
- 18 айдоочу автоунаасынын терезелерин караңгылатып алган.