Иллюстративдик сүрөт
Кечээ, 21-июль күнү Ош-Ноокат жолунда унаа кырсыгы катталып, андан 2 адам каза болуп, 3 адам ооруканага түшкөн.
Жергиликтүү тургундардын айтымында, каза болгондор Гулистан айыл өкмөт башчысынын орун басарынын ата-энеси болгон. Ооруканага түшкөндөр да бир үй-бүлө мүчөлөрү болушкан.
Окуяны Ош облусттук жол кыймылынын коопсуздугун камсыздоо кызматынан тастыктап, төмөнкүлөрдү маалымдашты.
«21-июль күнү саат 17:20 чамасында, Ош-Ноокат авто жолунда тактап айтканда, Жапалак айылында 1996-жылы туулган М.М өзүнүн «Хендай Портер» үлгүсүндөгү автоунаасын башкарып келе жатып, жолдун каршы тилкесинде келе жаткан 1954-жылы туулган Т.Ш нын башкаруусундагы «Тойота Авенсис» үлгүсүндөгү унаа менен бет маңдай кагылышып жол кырсыгы жасалган»,- деп айтылат маалыматта.
Натыйжада «Тойота-Авенсис» үлгүсүндөгү унаанын айдоочусу Ш. Т жана жанындагы жубайы 1977-жылы туулган. К. А окуя болгон жерде каза болуп калган. Жүргүнчүлөр ошол эле даректен 1984-ж.т Т. М, 1994-жылкы Т.Б 2001-жылы туулган Т.М денесинен жараат алып тез жардам кызматы аркылуу ооруканага алып кетишкен.