Эл аралык Олимпиада комитети Эл аралык бокс ассоциациясына (IBA) кирген федерациялардын боксчуларына 2028-жылы өтө турган Олим оюндарына катышууга уруксат бербей жатат.
2020-жылы декабрда Россиянын бокс федерациясынын мурдагы башчысы Умар Кремлев Эл аралык бокс ассоциациясынын башчысы болгон. Бирок Эл аралык Олимпиада комитети Кремлевдун башкаруусуна канааттанбай келет. Андан тышкары комитет башкаруу Москвага өтүп жатканына да капаланган.
2022-жыл сентябрда Эл аралык бокс ассоциациясы Украинанын Бокс федерациясынын мүчөлүгүн токтоткон. Ошол эле жылы октябрда Эл аралык бокс ассоциациясы Россия менен Беларустун өз өлкөсүнүн спортчуларына өз өлкөсүнүн желеги жана гимни менен катышууга уруксат берген.
2022-жылы Эл аралык олимпиада комитети бокс боюнча мелдештерди өткөрбөө чечимин кабыл алган. Комитеттин спорттук директору Умар Кремлевго кат жазып, 2028-жылы Лос-Анжелесте өтөт турган Олимп оюндарында бокс боюнча мелдештер өтпөй тургандыгын кабарлаган.
2023-жылы жайында Эл аралык олимпиада комитети Эл аралык бокс ассоциациясын тааныбай турганын жарыялаган.
Ал эми Париж шаарында өткөн Олимп оюндарындагы бокс боюнча мелдештерди Эл аралык олимпиада комитети уюштурду. Бирок Парижде Эл аралык олимпиада комитети мындан ары бокс боюнча мелдештерди уюштурбай тарганы айтылды. Буга байланыштуу 2028-жылга чейин бокс боюнча мелдештерди уюштура турган орган түзүлүшү мүмкүн.