«Халино» аэродрому
14-августка караган түнү Украина Орусиянын аймагындагы 4 аэродромуна чабуул жасады. Бул тууралуу Украинанын Куралдуу күчтөрүнүн башкы штабы билдиргенин бир нече ЖМК жазды.
Маалым болгондой, Орусиянын Воронеж, Курск, Нижегород облустарындагы «Халино», «Саваслейка», «Борисоглебск жана «Балтимор» аэродромдоруна кол салуу болгон.
Бул аэродромдордо армиянын авиациясы, «Су-34» үлгүсүндөгү бомбалоочу истребителдер жана башка учактар жайгашкан.
Украинанын Куралдуу күчтөрүнүн маалыматына караганда, негизинен күйүүчү-майлоочу майлар жана авиациялык каражаттарды жок кылуу каралган.
Учурда кол салуунун жыйынтыктары талкууланууда, деп билдирген Башкы штаб.