Кечээ, 20-августта Кара-Суу райондук өзгөчө кырдаалдар бөлүмү тарабынан Кара-Суу шаарына караштуу Телман-2 айылынын Чубак ажы, Ак-Өргө, Оморов көчөлөрүндөгү өрт өчүрүүчү гидранттар текшерилди, деп билдирди ӨКМдин басма сөз кызматы.
Маалым болгондой, Кара-Суу району боюнча жалпы 93 өрт өчүрүүчү гидрант бар. Бүгүнкү күнү 20 даанасы текшерилип, анын ичинен 16 даанасы оң абалда жана 4 даанасы бузук абалда экендиги аныкталды.
Ушул эле иш-чара 19-август күнү ӨКМдин Алай райондук өзгөчө кырдаалдар бөлүмү тарабынан Гүлчө айылынын Нарматов жана Алымбек-Датка көчөсүндө өттү.
Ал эми Алай району боюнча жалпы 40 өрт өчүрүүчү гидрант бар. Бүгүнкү күнү 10 даанасы текшерилип, анын ичинен 2 даанасы оң абалда жана 8 даанасы бузук абалда экендиги аныкталды.
ӨКМ тарабынан бузук абалдагы гидранттарды калыбына келтирүү үчүн жергиликтүү бийликке атайын эскертме кагаздары берилди.
Калган өрт өчүрүүчү гидранттардын абалы ӨКМ адистери тарабынан жеринде текшерилип , жыйынтыгы боюнча кошумча маалымат берилет.