Өзгөн районунда 14 жашагы кыз көз жарды. Бул тууралуу «Турмуш» басылмасы өздүк булактарына шилтеме берип жазды.
Алдын ала маалыматка ылайык, кыз 13 жашында боюна бүтүп, 14 жашында төрөгөн.
Бул маалыматты Өзгөн райондук аймактык ооруканасынан тастыкташкан. Маалым болгондой, кыз 18-август күнү көз жарым, уул төрөгөн. Анын салмагы 3 кг 100.
«Учурда эне-баланын абалы жакшы»,-деп айтылат маалыматта.
Ош ОИИБдин басма сөз кызматы билдиргендей, бул факты Өзгөн райондук ички иштер бөлүмүнө каттоого алынып, тергөөгө чейинки текшерүү иштери башталган.
«Чогултулган материалдын негизинде КР Кылмыш-жаза кодексинин 154-беренеси (Зордуктоо) негизинде кылмыш иши козголуп, ыкчам-тергөө амалдары башталган. Жүргүзүлгөн ыкчам-издөө иш-чараларынын натыйжасында кылмышка шектүү катары Өзгөн районунун 2003-жылы туулган Ж.Н. аттуу тургуну 20-август күнү кармалып, убактылуу кармоочу жайга киргизилди»,- деп айтылат маалыматта.
Учурда тергөө амалдары уланууда.