Эртең, 27-августта жаңы №49 муниципалдык автобусттар каттамга чыгат. Бул тууралуу Ош мэриясынын басма сөз кызматы кабарлады.
Маалыматка ылайык, аталган каттам №149 кичи автобус каттамын алмаштырат жана кыймыл чиймеси өзгөрбөйт.
«Маршрут Мады айылынын аймактык борборунан Ош шаарындагы Түштүк-Чыгыш (Юго-Восток) кичи районуна чейин жүрөт»,- деп айтылат маалыматта.
Жаңы автобустук каттам 19 коомдук транспорттун аялдамасын камтыйт.