Ош облусунун Өзгөн районунун Дөң-Булак айыл өкмөтүнүн Чымбай айылындагы 375 орундуу мектеп салынып жаңы окуу жылына иштетүүгө берилди. Жаңыдан салынган мектеп №54 Турдумамат Сарыков атындагы орто мектеби болуп ачылды. Аталган мектептин курулуш иштери боюнча Ош облустук капиталдык курулуш башкармалыгын жетекчисинин орун басары Казбек Тайиров буларды айтты.
«Объекттин курулушу 2023-жылы республикалык бюджеттин эсебинен башталган. Долбоордук-сметалык документтери 2021-жылдын 21-декабрь айынан №83 сандуу келишимдин негизинде “Сандвич” ЖЧКсы тарабынан даярдалган. 2022-жылдын 14-декабрь №65 сандуу келишимдин негизинде курулуш иштерин “ТАП и К” ЖЧК тарабынан жүргүзүлдү.
Сметалык наркы — 127 125,74 миң сом, тендердик баасы жалпы чыгымдары менен 107 403,84 миң сомду түзөт. Курулуш башталгандан бери бардыгы болуп 93 133,24 миң сом каржыланган, анын ичинде курулуш-монтаждоо иштерине 91 078,95 миң сом коротулду. 2024-жылдын планында 35 млн сом каралып, Каржы министрлигинен 35 млн сомго каржылоо ачылган»,- деди ал.
Аткарылган курулуш-монтаждоо жумуштарынын көлөмү — 86 млн 779 миң 398 сом. Объектинин курулуш иштерин толугу менен бүткөрүү үчүн 9 млн 403 миң 80 сом керектелет.
Учурда төмөндөгү курулуш-монтаждоо жумуштары бүткөрүлдү:
Окуу имаратынын жана спортзал өтмөк галереясы менен курулуш жумуштары 90% бүткөрүлгөн, эмерек жана техникалык жабдуулары 80% алынган. Откана көмүр сактоочу жайы менен 100% бүткөрүлгөн. Ажаткана 12 очкотук-100%;
• Башкы планда 375 окуучуга ылайыкташкан мектеп спорт залы, отканасы бар откана, 12 очколук ажаткана, 100м3 2-өрт өчүрүүчү резервуар бар;
• А-блок узун туурасы 15.0 х 60.50 м. Блокто окуу класстар, директордун кабинети жана окутуучулардын кабинеттери бар;
• Б-блок узун туурасы 8.50 х 7.20 м. Блокто чечинүүчү жана жуунучу каналар бар;
• В-блок узун туурасы 24.0 х 27.50 м. Блокто спортзал, ашкана жана актовый зал бар.