Ош шаарынын Аскар Шакиров көчөсүндө жайгашкан «Семейный» кафесинин кошумча имараты боюнча кайрадан сотко доо-арыз берилет. Бул тууралуу Министрлер кабинетине караштуу Архитектура, курулуш жана турак жай-коммуналдык чарба мамлекеттик агенттигинин алдындагы Ош шаардык архитектуралык-курулушту контролдоо башкармалыгынын башчысы Руслан Суракматов билдирди.
Буга чейин Ош шаардык соту доогер жана жоопкер соттук отурумга келбегендигине байланышту доо-арызды канааттандыруусуз калтырган.
Анын айтымында, аталган кафенин кошумча имаратын буздуруу боюнча доо-арыз кайрадан сотко даярдалып жатат.
«Буга чейин доо-арыздагы кемчилдиктерден улам сот канааттандыруусуз калтырган. Биз ошол кемчилдиктерди жоюп, анан кайра доо-арызды жөнөтөйүн деп жатабыз»,- деди ал.