Ош облусунда милиция кызматкерлерине тиешелүү кырдаалдык борбордун имаратынын ачылыш аземи болуп өттү, деп билдирди Президенттин Ош облусундагы ыйгарым укуктуу өкүлчүлүгүнүн басма сөз кызматы.
Маалыматка караганда, иш-чарага Президенттин Ош облусундагы ыйгарым укуктуу өкүлү Эльчибек Джантаев, Ички иштер министри Улан Ниязбеков жана башка коноктор катышышты.
«Аталган имарат кыргыз милициясынын 100 жылдык мааракесине карата ишке берилди. Кырдаалдык борбордо түштүк аймагындагы жалпы тартипте көзөмөлдөө иштери жүргүзүлүп, криминогендик абалдан баштап, коомдук айыл-шаарлардагы көчөлөргө чейин баары көзөмөлгө алынат»,- деп айтылат маалыматта.
Иш-чаранын соңунда облус жетекчиси, министр жана катышуучулар жаңы ачылган имараттардын ичине кирип, милиция кызматкерлерине түзүлгөн заманбап шарттар менен таанышып чыгышты.