10-октябрь күнү Катардын Доха шаарында футбол боюнча дүйнөлүк чемпионаттын тандоо этабынын үчүнчү баскычынын 3-турунун Азия зонасынын алкагында Кыргызстан курамасы менен Катар курамасы кез келди. Оюн 3:1 эсебинде талаа ээлеринин пайдасына жыйынтыкталды.
Ушул эле түнү Иран менен Өзбекстан Ташкентте 0:0 эсеби менен тең чыгышса, БАЭ менен Түндүк Крея 1:1 эсеби менен тең ойношту.
4-тур оюндары 15-октябрда болуп өтөт. Кыргызстан Бишкектеги Д. Өмүрзаков стадионунда Түндүк Кореяны кабыл алат.
Бул баскычта тайпадан 1-2-орунду ээлеген командалар 2026-жылы өтүүчү дүйнөлүк чемпионатка түз жолдомо алат. 3-4-орунду ээлеген командалар тандоо этабын улантышат. Ал эми 5-6-орунду алган курамалар дүйнөлүк чемпионатка тандоо оюндарына катышуу укугунан ажыратылат.
3-турдун жыйынтыгы менен «Ак шумкарлар» өз тайпасында эң акыркы орунга жайгашты.