Ош шаарынын Амир-Темир көчөсүндөгү 170 дарак кыыйылып, 1 млн 480 миң зыян келтирилген. Бул тууралуу «Турмуш» басылмасы жазды.
Маалым болгондой, учурда аталган көчөнү кеңейтүү, жолдорду сүрүп, тазалоо иштери жүрүүдө.
Жолдун эки жээгиндеги дарактар алынып, айрымдарынын майда гана тамырлары калган.
Жаратылыш ресурстары, экология жана техникалык көзөмөл министрлигинин Экологиялык жана техникалык көзөмөл кызматынын Ош аймактык башкармалыгы дарактар мыйзамсыз кыйылгандыгын тастыктап, өсүмдүктөр дүйнөсүнө зыян кетирилгендигин билдирди.
«Натыйжада Кыргыз Республикасынын Өсүмдүктөр дүйнөсүнө 1 млн 480 миң 898 сомдук зыян келтирилгендиги эсептелип, келтирилген зыянды төлөтүү үчүн материалдар Ош ШИИБге өткөрүлүп берилген»,- деп айтылат маалыматта.
Ош ШИИБдин басма сөз кызматы Сулайман-Тоо милиция бөлүмүнүн тергөө Жаратылыш ресурстары, экология жана техникалык козомол министрлигинин экологиялык жана техникалык көзөмөл кызматынын Ош регионалдык башкармалыгынан билдирүүсү келип, катталганын билдирди.
Билдирүүдө Ош шаарынын мэриясынын Сулайман-Тоо муниципалдык аймактык башкармалыгынын Амир-Темир көчөсүнө барып, жеринде караган учурда аталган көчөнү реконструкциялоодо долбоору мамлекеттик экологиялык экспертизадан өткөрүлбөй, жолдун эки жээгинен орточо жоондуктары болгон 126) түп ясень дарактары, орточо жоондуктары 11 тал дарактары, орточо жоондуктары 7 түп терек дарактары, орточо жоондуктары 5 түп чынар дарактары, орточо жоондуктары 17 түп тыт дарактары жана орточо жоондуктары 5 түп жаңгак дарактары, жалпысы 171 түп өсүүсү токтобогон дарактарды техниканын жардамы менен тамыры кошулуп жулунуп, уруксат кагазы жок кесилгендиги аныкталганы белгиленген.
Натыйжада Айлана чөйрөнү коргоо жөнүндө жана Токой кодексинин мыйзамдарынын 10,81-беренелери Кыргыз Республикасынын Өкмөтүнүн 2013-жылдын 3-майындагы 224 сандуу токтому менен бекитилген «коридикалык жана физикалык жактар тарабынан жаныбарлар жана өсүмдүктөр дуйнөсүнө келтирилген зыяндын өлчөмүн эсептинөөнүн таксасынын» негизинде чыгарылып, 1 млн 480 миң 898,11сом (бир миллион төрт жүз сексен мин сегиз жүз токсон сегиз сом он бир тыйын) сом зыян келтирилгени эсептелген.
«Ошондуктан, өсүмдүктөр дүйнөсүнө келтирилген 1 480 898,11 сомду, ким тарабынан зыян келтирилгендигин аныктап, мыйзам чегинде чара көрүп, мамлекеттик бюджеттин эсебине өндүрүп берүүнү суранып кеткен. Жогорудагы факты боюнча мыйзамдуу чечим кабыл алуу учун Сулайман-Тоо милиция бөлүмүнө Дарактарды жана бадалдарды мыйзамсыз кыюу фактысы менен катталып, азыркы учурда тергөөгө чейинки текшерүү иши жүруп жатат»,- деп айтылат маалыматта.
Ош шаардык капиталдык курлуш башкармалыгынын башчысынын милдетин акаруучу Темирлан Бакалов аталган иштер боюнча маалыматы жок экенин белгиледи.
Ош мэриясынын басма сөз кызматы маалыматты вице-мэрлер берерин билдирди. Бул тармакты тейлеген вице-мэр Замир Юсуповдон маалымат алууга мүмкүн болгон жок.