Боор алмаштыруу боюнча экинчи операция ийгиликтүү аяктады. Бул тууралуу Саламаттык сактоо министрлиги билдирди.
Маалыматка караганда, Кыргыз Республикасынын саламаттык сактоо министри Алымкадыр Бейшеналиев трансплантологдор тобу боорду алмаштыруу боюнча экинчи операцияны ийгиликтүү аякташканын билдирди.
Бейтаптардын гемодинамикалык көрсөткүчтөрү туруктуу.
Операция 9 саатка созулуп, ага министр баштаган кыргыз-түрк адистери катышты.
Адистер ооруканада нөөмөттө туруп, бейтаптардын абалына көз салышып, аларга керектүү медициналык жардамды камсыз кылышууда.
«Дарыгерлердин маалыматы боюнча бейтаптардын операциядан кийинки абалы туруктуу. Бейтаптардын абалына көз салуу жана дарылоо улантылууда»,- деп айтылат маалыматта.